DigiNepal

त्योहार को लेकर देशभर में सुरक्षा कड़ी

मशीन अनुवाद मूल देखें

मूल शीर्षक: चाडपर्वमा देशभर सुरक्षा व्यवस्था कडा

काठमांडू, 21 नवंबर (भाषा) नेपाल पुलिस ने तिहाड़, दिवाली, नेपाल संवत और छठ पर्व को लक्षित करते हुए देश भर में सुरक्षा व्यवस्था कड़ी कर दी है। त्योहार के दौरान, हो सकता है...

काठमाडौँ, २१ कात्तिकः तिहार, दीपावली, नेपाल संवत् र छठ पर्वलाई लक्षित गर्दै नेपाल प्रहरीले देशभर सुरक्षा व्यवस्था कडा पारेको छ । चाडपर्वका समयमा हुन सक्ने आपराधिक गतिविधि नियन्त्रण, नागरिकको जीउधनको सुरक्षा तथा सहज आवागमन सुनिश्चित गर्न आवश्यक मात्रामा प्रहरी परिचालन गरिएको छ ।

प्रहरी प्रधान कार्यालय नक्सालका अनुसार ‘चाडपर्व लक्षित विशेष सुरक्षा योजना, २०८३’ अन्तर्गत सम्भावित सुरक्षा चुनौतीको विश्लेषण गरी संवेदनशील क्षेत्रमा प्रहरी जनशक्ति परिचालन तथा निगरानी बढाइएको हो । बजार क्षेत्र, धार्मिकस्थल, सार्वजनिक यातायात केन्द्र, सीमा नाका र बढी भीडभाड हुने स्थानलाई विशेष प्राथमिकतामा राखिएको छ ।

नेपाल प्रहरीका केन्द्रीय प्रवक्ता अबिनारायण काफ्लेले चाडपर्वका समयमा चोरी, लुटपाट, जुवातास, लागुऔषध तथा मादक पदार्थको दुरुपयोग, झैझगडा, कालोबजारी, खाद्य पदार्थमा मिसावट र आगलागीलाई प्रमुख सुरक्षा चुनौतीका रूपमा पहिचान गरिएको बताउनुभयो ।

उहाँका अनुसार यस्ता गतिविधि नियन्त्रण गर्न नियमित गस्ती, आकस्मिक जाँच तथा सादा पोसाकमा प्रहरी परिचालन गरिएको छ । सुरक्षा निगरानीलाई प्रभावकारी बनाउन सीसीटीभी, शरीरमा जडित क्यामेरा, ड्रोन र तालिमप्राप्त कुकुर प्रयोग गरिनेछ । जोखिमयुक्त क्षेत्रमा निगरानी बढाउनुका साथै तत्काल प्रतिकार्यका लागि द्रुत परिचालन टोली र विपद् व्यवस्थापनका जनशक्तिलाई तयारी अवस्थामा राखिएको उहाँले जानकारी दिनुभयो ।

चाडपर्वका समयमा यात्रुको चाप बढ्ने भएकाले प्रहरीले सडक सुरक्षा र सवारी दुर्घटना न्यूनीकरणलाई पनि प्राथमिकता दिएको छ । प्रहरी प्रधान कार्यालयका अनुसार देशभर ४०८ स्थानमा यात्रु सहायता कक्ष स्थापना गरी कम्तीमा एक हजार १६५ प्रहरी परिचालन गरिएको छ । त्यस्तै, अन्तरराष्ट्रिय सीमा नाकाका १०८ स्थानमा सहायता कक्ष स्थापना गरिएको छ ।

लामो दूरीका सवारीसाधन सञ्चालन गर्नुअघि चालकको अनुमतिपत्र, मादक पदार्थ तथा लागुऔषध सेवनको अवस्था र सवारीसाधनको यान्त्रिक अवस्थासम्बन्धी कागजात जाँच गर्ने व्यवस्था मिलाइएको छ । लामो दूरीका सवारीसाधनमा दुई जना चालक राख्नुपर्ने व्यवस्थाको कार्यान्वयनमा निगरानी बढाइएको प्रहरीले जनाएको छ ।

सीमा नाकामा स्थापना गरिएका यात्रु सहायता कक्षमार्फत स्वदेश फर्किने नागरिकलाई सम्भावित ठगी, लुटपाट तथा अन्य दुव्र्यवहारबाट जोगाउन आवश्यक सहयोग उपलब्ध गराइने प्रहरी प्रधान कार्यालयले जनाएको छ ।

साइबर अपराधमा पक्राउ
सामाजिक सञ्जालको दुरुपयोग गरी महिलाको चरित्र हत्या गर्नुका साथै अश्लील तस्बिर तथा भिडियो सार्वजनिक गर्ने धम्की दिएको आरोपमा प्रहरीले दुई जनालाई पक्राउ गरेको छ ।

नेपाल प्रहरीको साइबर ब्यूरोले विद्युतीय माध्यमबाट महिलालाई दुव्र्यवहार तथा चरित्र हत्या गरेको अभियोगमा इलाम र सिन्धुपाल्चोकका दुई जनालाई पक्राउ गरेको हो ।

पक्राउ पर्नेमा इलामका विकल्प राई र सिन्धुपाल्चोकका सुजन पाण्डे छन् । ब्यूरोका प्रवक्ता दीपकराज अवस्थीका अनुसार राईले प्रेम सम्बन्धमा रहँदा खिचिएका तस्बिर तथा भिडियो सामाजिक सञ्जाल टेलिग्राममार्फत सार्वजनिक गरी महिलाको चरित्र हत्या गरेको आरोप छ ।

त्यस्तै, पाण्डेले सामाजिक सञ्जाल एक्समार्फत पीडित महिलाका अश्लील भिडियो तथा तस्बिर आफूसँग रहेको र सार्वजनिक गरिदिने धम्की दिएको प्रारम्भिक अनुसन्धानबाट खुलेको छ ।

पीडितले दिएको निवेदनका आधारमा ब्यूरोले प्राविधिक अनुसन्धान तथा विश्लेषण गर्दा दुवै जना संलग्न रहेको खुलेपछि पक्राउ गरिएको प्रवक्ता अवस्थीले जानकारी दिनुभयो । प्रहरीले राईलाई काठमाडौँको ठमेलस्थित पर्यटन मार्गबाट र पाण्डेलाई तारकेश्वरबाट पक्राउ गरेको हो ।

पक्राउ परेका राईलाई विद्युतीय (इलेक्ट्रोनिक) कारोबार ऐन, २०६३ अन्तर्गतको कसुरमा काठमाडौँ जिल्ला अदालतबाट पाँच दिन र पाण्डेलाई चार दिनको म्याद थप गरी थप अनुसन्धान भइरहेको ब्यूरोले जनाएको छ ।

0 reactions0 comments
React

Comments 0

Comments are public and moderated. Don't share phone numbers, emails or ID numbers.

No comments yet. Start a respectful conversation.

    संबंधित अपडेट

    सभी अपडेट
    • ये हैं सरकार और डॉ. केसी के बीच हुए समझौते के छह बिंदु

      काठमांडू, 21 अक्टूबर (भाषा) सरकार ने अनशनरत प्रो. डॉ. गोविंदा केसी के साथ विभिन्न मांगों को सामने रखकर छह सूत्री समझौता किया है। कल रात हुए समझौते के साथ, डॉ. केसी अनशन समाप्त करेंगे...

      Office of the Prime Minister and Council of Ministers२१ कार्तिक २०८३
    • मौसम आजः हिमालयी क्षेत्र गंडकी, कर्णाली और सुदूर पश्चिमी प्रांतों में आंशिक बादल छाए रहेंगे

      काठमांडू, 21 नवंबरः वर्तमान में नेपाल में पश्चिमी हवाओं के आंशिक प्रभाव के कारण हिमालयी क्षेत्र गंडकी, कर्णाली और सुदूर पश्चिमी प्रांतों में आंशिक रूप से बादल छाए हुए हैं जबकि बाकी...

      Office of the Prime Minister and Council of Ministers२१ कार्तिक २०८३
    • यहाँ पुलिस की त्योहार-थीम वाली विशेष सुरक्षा योजना है

      काठमांडू, 20 नवंबरः नेपाल के तिहाड़, नेपाल संवत और छठ त्योहार जैसे महत्वपूर्ण त्योहारों को निशाना बनाते हुए नेपाल पुलिस ने 'फेस्टिवल-लुक्ड स्पेशल प्रोटेक्शन प्लान, 2083'...

      Office of the Prime Minister and Council of Ministers२० कार्तिक २०८३
    • मौसम आजः हिमालय क्षेत्र में बारिश की संभावना

      काठमांडू, 20 अक्टूबर (भाषा) नेपाल में पश्चिमी हवाओं के आंशिक प्रभाव से देश के हिमालय और पहाड़ी इलाकों में कुछ स्थानों पर हल्की बारिश और बर्फबारी के साथ आंशिक बदलाव होने की संभावना है...

      Office of the Prime Minister and Council of Ministers२० कार्तिक २०८३
    • पश्चिमी हवाओं का आज आंशिक असर, पहाड़ी इलाकों में हल्की बारिश

      काठमांडू, 19 अक्टूबरः पश्चिमी हवाओं के आंशिक प्रभाव और कुछ स्थानों पर हल्की बारिश और बर्फबारी के कारण नेपाल में देश के हिमालयी और पहाड़ी इलाकों में आंशिक बदलाव होगा।

      Office of the Prime Minister and Council of Ministers१९ कार्तिक २०८३
    • कंपनी की बकाया जुर्माना माफी आधी रात तक बढ़ी

      सरकार के लिए एक ऐसी कंपनी को पेनल्टी माफी सहित विवरण अपडेट करने की समय सीमा, जिसे लंबे समय से वार्षिक रिपोर्ट का पता नहीं है और अभी तक रद्द करने की प्रक्रिया से गुजरना बाकी है आगामी धक्का...

      Office of the Prime Minister and Council of Ministers१९ कार्तिक २०८३